मदन तामाङ हत्याकाण्डका भुमिगत आरोपीहरु पक्राउ

कालेबुङ, १५ फरवरी मदन तामङ्ग हत्याकाण्डमा अभियाग लागेर लामो समयदेखि भूमिगत रहेका पॉंचजनालाई सीबीआईले आज दार्जीलिङबाट पक्राउ गरेको छ| मोर्चाको विभिन्न भातृ सङ्गठनहरूसँग सम्बद्ध रहेका कार्यकर्ताहरू पूरण थामी, किस्मत छेत्री, दिनेश गुरुङ, आलोककान्तमणि थुलुङ अनि केशवराज पोख्रेललाई सीबीआईले आज बिहान पक्राउ गरेको हो| यी आरोपीहरुलाई आज दार्जीलिङ अदालतमा पेश गरिएपछि १४ दिनको न्यायिक हिरासतमा राख्ने कोर्टले निर्देश दिएको छ| सीबीआइले आरोपीहरूसँग सोधपुछ गर्न सातदिनको रिमाण्डमा दिन कोर्टलाई निवेदन गरेको थियो| सीजीएम कोर्टले सीबीआईको यस निवेदनलाई खारेज गरी आरोपहरूलाई न्यायिक हिरासतमा राख्ने निर्देश दिएको हो| मदन तामाङ्ग हत्याकाण्ड मामिला राज्यको सीआईडी विभागबाट हस्तान्तारण गरिएपछि सीबीआई टोलीले आरोपीहरूको खोजकार्य जारी राखेको थियो| आज विहान लगभग पॉंच बजीतिर दार्जीलिङ रेलवेस्टेशन परिसरबाट सीबीआईले पॉंचैजनालाई आफ्नो नियन्त्रणमा लिएको थियो| आरोपीहरू शहर छोडेर सिलगडीतिर जान लागिरहेको अवस्थामा पक्रा परेका थिए| अखिल भारतीय गोर्खालीग अध्यक्ष मदन तामङ्गको २१ मई २०१०मा हत्या भएपछि आज पक्रा पर्ने पॉंजना आरोपीहरू लगायत अन्य केही मोर्चा कार्यकर्ताहरू त्यसै समयदेखि भूमिगत भएका थिए| यस मामिलामा मोर्चाका युवा नेता दिपेन मालेलाई अगावै पक्राउ गरिसकेको थियो भने लामो समयको अन्तरालपछि एकासाथ पॉंचजना आरोपीहरू पक्राउ परेको घटनाले अब यस मामिलाले गति पक्रिन सक्ने अनुमान गरिएको छ| यस मामिलामा मोर्चा कार्यकर्ताहरूलाई पक्राउ गरिएको सम्बन्धमा दलका नेताहरूले कुनै प्रतिक्रिया र वयान जारी गरेका छैनन्| यता आज आरोपीहरूको पक्राउपछि अभियोजन पक्षका सरकारी वकिल पङ्कज प्रसादले घटनाक्रबारे यस आशयको जानकारी दिएका छन्|