शारदा काण्डका मुख्य आरोपी कालेबुङ न्यायालयमा

कालेबुङ, 11 अक्टोबर।

शारदा काण्डका मुख्य आरोपी देवजनी मुखर्जीलाई आज कालेबुङ न्यायालयमा पेश गरियो। स्थानीय छिबो बस्ती निवासी उत्तम शंकर विश्वकर्मले एक निवेशकको रूपमा मुखर्जीविरूद्ध मामिला दर्ता गरेकाले उनलाई कालेबुङ ल्याइएको हो। शारदा घोटाला काण्डको आरोपमा उनीविरूद्ध भारतीय दण्ड संहिताको धारा 420 अन्तर्गत मामिला दर्ता भएको थियो। यसै मामिलामा अलिपूर महिला संशोधनगृहबाट कालेबुङ ल्याइएका देवजनी मुखर्जीलाई कालेबुङ एडिसनल चिफ ज्यूडिसियल मेजिट्रेट कोर्टले जमानत दिएको छ। यद्यपि कालेबुङ न्यालयबाट उनले जमानत पाएको भएपनि अन्य न्यालयहरूमा रहेका विभिन्न मामिलाहरूका कारण उनी जेलमुक्त बन्न सकिनन्। स्मरण गराइन्छ, उनी शारदा कम्पनीका कार्यकारी निर्देशकको रूपमा कार्यरत् थिइन्। शारदा काण्डपछि पक्रा परेकी मुखर्जीलाई 16 महिनादेखि अलिपुर महिला संधोधनग्रहमा राखिएको छ। शारदा काण्डमा सिलगढी, मादला, विरभूम लगायतका राज्यभरिका विभिन्न न्यायालयमा उनीविरूद्ध अनेकौं मुद्दाहरू चलिरहेको छ। आज उनले कालेबुङ न्यालयबाट जमानत पाएपनि उनलाई अन्य मामिलाहरूका कारण अलिपुर महिला संधोधनग्रह नै लगिएको छ भने कालेबुङ न्यायालयमा उनको आगामी सुनुवाई 22 अक्टोबरको दिन हुनेछ।    

Read More

पर्यटन उत्सव 2014 शुरू

कालेबुङ, 11 अक्टोबर।

गोर्खाल्याण्ड टेरिटोरियल एडमिस्नट्रेसन(जीटीए) को सूचना एवं सांस्कृतिक विभाग अनि पर्यटन विभागको संयुक्त आयोजनामा आजदेखि सांस्कृतिक पर्यटन महोत्सव कालेबुङ च्याप्टर आरम्भ भएको छ। बितेको वर्षसम्म यसै उत्सवलाई चिया अनि पर्यटन उत्सवको नाम दिएको थियो। यद्यपि यसपल्ट यस उत्सवको माध्मयबाट संस्कृतिको पनि संरक्षण गर्ने उद्देश्य लिएर सांस्कृतिक पर्यटन महोत्सव नामकरण गरिएको हो। पहाडको मुख्य आयश्रोतको रूपमा रहेको पर्यटन विकासलाई थप टेवा पुऱ्याउन दार्जीलिङमा हिजोदेखि यस उत्सव आरम्भ भइसकेको छ भने आजदेखि कालेबुङमा पनि औपचारिक उद्घाटन गरिएको हो। उत्सवको उद्बोधनी कार्यक्रममा यहाँको रामकृष्ण रङ्गमञ्चबाट सद्भावना यात्रा निकालिएको थियो। जुन यात्रामा स्थानीय विभिन्न जातगोष्ठीले सगभागिता जनाएको थियो। ब्याण्ड-बाजासितै निस्केको सांस्कृतिक जुलूसले शहर परिक्रममा गरेपछि मेलाटारमा पुगेर यसको औपचारिक शुरुवात गरिएको थियो। आज पहिलो दिनको कार्यक्रममा जीटीएका उपप्रमुख कर्णल रमेश आले मुख्य अतिथिका रूपमा उपस्थित थिए भने कार्यक्रममा विभिन्न जातगोष्ठिका कलाकारहरूले सांस्कृतिक प्रस्तुति दिएका थिए। आजदेखि शुरु भएको यस उत्सव आगामी 22 अर्टोबरसम्म चलेन्छ। 

Read More

सीके प्रधान हत्यकाण्ड - परिवार निराश

कालेबुङ, 7 मई।
सीके प्रधान हत्याकाण्ड मामिलामा प्रधानका परिवारपक्षले न्याय पाउने आशा मारिसकेका छन्। किनभने प्रधानको हत्या भएको 12 वर्ष बितिसक्दा समेत मुद्दा छिनाफाना हुने कुनै छाँटकाँट छैन।

प्रधानको हत्या भएको 9 वर्षपछि 12 दिसम्बर 2012 मा पहिलोचोटी जलपाइगुढी न्यायालयमा मुद्दा शुरू हुँदा प्रधानका परिवारपक्षले एकचोटी न्याय पाउनसक्ने आशा साँचेका थिए। तर जलपागुढीको सेसन कोर्टमा आजसम्म प्रधान हत्याकाण्डका सबै गवाहीहरूको बयान लिइसकेको छैन। यस मामिलामा 41 जना गवाहीहरू छन्। उनीहरूलाई एक-एकजना गवाहीका रूपमा बोलाइने काम भइरहेको छ। यसैले यस मामिला लम्बिरहेको कारणले

सीके प्रधान परिवारमा न्याय पाउने कुरामा आशा नै हराएर गइसकेको छ। आज स्व. सीके प्रधानका दाजु कर्णल डीके प्रधानले न्यायापालिकाको कार्यनीतिमाथि निराशा व्यक्त गरेका छन्।

“अब त जनताले पनि विस्तारै सीके प्रधान हत्याकाण्डलाई भुलिसकेका छन्”-प्रधानले भने “हाम्रो पनि न्याय पाउने आशा विस्तारै मर्दै गइरहेको छ।

उनी अनुसार यस मामिलालाई लिएर परिवारपक्षले राज्य अनि केन्द्र सरकारसमक्ष अनि न्यायको माग गरेको हो। यसपछि पनि सेसन कोर्टले फाइनल भर्डिक्ट दिन सकेको छैन।

प्रत्येक राजनैतिक हत्याहरूमा नै राजनीतिकरण हुने धारणा राख्ने डीके प्रधानले यस मामिलामा पनि राजनीतिकरण भएकै कारण दोषीहरूले सजाय पाउनमा विलम्ब भएको बताए।

   तिनीअनुसार सीके प्रधानलाई 3 अक्टोबर 2002 मा खुलेआम हत्या गर्ने निरे गुरूङ र दया राई नै हुन्‌ जसको अहिलेसम्म कुनै अत्तोपत्तो छैन। डीके प्रधानले भनेअनुसार निरे गुरूङ अनि दया राईलाई हत्या गर्नेबित्तिकै हत्या गर्न लगाउनेहरूले मारिसकेको हुनसक्छ। तिनको भनाइअनुसार आज पनि हत्याकाण्डको मास्टर माइन्ड भने जीवित नै रहेका छन्‌। पॉंच वर्षसम्म सीबीआईले हत्याकाण्डमाथि छानबीन गरेर न्यायालयमा चार्सिट बुझाएर मुद्दा शुरू भएपनि गवाहीहरू जलपाइगढी न्यायलय धाउन नसक्ने  कर्णल डीके प्रधानले बताए। यसैले आज जम्मै गवाहीहरूले न्यायालयमा उपस्थिति दिन नसक्दा न्यायालयले फाइनल भर्डिक्ट दिन सकेको छैन। हत्याकाण्डको सुनुवाइ जलपाइगढी न्यायलयमा होइन तर कालेबुङमा नै हुनपर्ने परिवारपक्षले माग गर्दागर्दै पनि हुन नसकेको  तिनले बताए।

उनले अझ भने अनुसार सेसन कोर्टले यदि आफूहरूको पक्षमा भर्डिक्ट नदिए उनीहरू उच्च न्यायालय अनि त्यसपछि सर्वोच्च न्यायालयसमेत जानपर्ने हुन्छ। तर यो लामो प्रक्रिया हो। यसका निम्ति धेरै खर्च बेहेर्नुपर्ने हुन्छ। यी कुराहरू पछिबाट परिवारपक्षसित मिलेर निर्णय लिनसकिने भएपनि अहिलेको स्थितिमा यो वर्षौदेखि लम्बिरहेको मुद्दासित उनीहरू सन्तुष्ट छैनन्।

Read More

दोधारमा लामा

कालेबुङ 28 अप्रेल। (प्रदीप)ः लोकसभा चुनाउको परिणामपछि दार्जीलिङ पहाडको राजनैतिक परिदृश्य कस्तो हुनेछ? भाजपा

प्रार्थीले यहाँबाट चुनाउ जितेको अवस्थामा गोर्खाल्याण्डको मुद्दाले नयाँ दिशा र गति पाउनेछ कि मोर्चा जीटीएको सुचारू सञ्चालनतिरै तल्लिन हुनेछ? कि गोरामुमोको शर्त अनुसार दागोपापको पुनर्बहाली हुनेछ? चुनाउपरिणामपछि परिदृश्यमा कुनै नयाँ राजनैतिक शक्तिको पदार्पण हुनेछ? पहाडको राजनीतिमा सामान्य चासो राख्ने मानिसहरूलाईसमेत यतिबेला यी प्रश्नहरूले गिँजोलेको छ। यी तमाम प्रश्नहरू अहिले कटमेरो रहे पनि चुनाउपछि नयाँ राजनैतिक शक्तिको उदय हुन्छ कि भन्ने अनुमान र सम्भावना भने ह्वात्तै चुलिएको छ। यो नयाँ राजनैतिक शक्ति डा महेन्द्र पी लामाकै नेतृत्वमा अस्तित्वमा आउन सक्ने सम्भावना प्रबल बन्दै गएको छ। डा लामालाई नयाँ राजनैतिक दलको गठन गर्न दबाउ बढेको छ। विशेष गरी उनका युवा समर्थकहरूले यो दवाउ बनाउन थालेका छन। तर डा लामाले भने यसलाई दबाउको साटो ‘ओपिनियन’-को रूपमा व्याख्या गरेका छन। डीडीयुडीएफको ब्यानरमा निर्दल प्रार्थी भएर चुनाउ लडेका डा महेन्द्र पी लामा पनि अहिले आफ्ना समर्थकहरूको आग्रह,विचार र उत्साहको समिकरणबारे अध्ययन गर्ने क्रममा छन। उनी आफैले पनि नयाँ राजनैतिक दल गठन गर्ने कुरालाई सोझै नकारेका छैनन, तारतम्य मिले नयाँ दल गठन सकिन्छ भन्ने उनको आशयलाई आँखिओझेल गर्न मिल्दैन। नयाँ दलको गठनबारे अहिले चलिरहेको हल्लाबारे सोधिएको प्रश्नको सम्बन्धमा डा लामाले भने, ‘मेरा समर्थक र शुभचिन्तकहरूले मलाई सक्रिय राजनीतिमा आउन आग्रह गरिरहेका छन। विशेष गरी ग्रामिण भेकका युवावर्गबाट नयाँ राजनैतिक दल गठन गर्नुपर्छ भन्ने मत पाउँदैछु। म आफैले पनि विभिन्न क्षेत्रहरूमा पुगेर मानिसहरूसँग चर्चा र अन्तर्क्रिया पनि गर्दैछु। अहिले कुनै निष्कर्षमा पुगेको छुइनँ। सबैको मत र विचार सुनेर नै निर्णय लिनेछु’ यद्यपि उनले राजनैतिक दल गठन गर्ने कार्य सहज नरहेको मन्तव्य प्रकट गरेका छन। आफू भावनामा बगेर दल गठन गर्ने पक्षमा नरहेको उनको भनाइ छ। उनले नयाँ दलको गठनभन्दा बढी डीडीयुडीएफको आगामी कार्ययोजना, कार्यगत रणकौशलबारे छलफल र बिमर्श भइरहेको दावी गरेका छन। चुनाउपरिणामपछि पहाडको राजनीतिमा देखा पर्ने सम्भावनासँग जोडिएको एउटा प्रश्नको जवाफ दिँदै उनले भने, ‘गोजमुमो र गोरामुमोबीच तानातान र सत्ताको होडबाजी हुनसक्छ। चुनाउअघि गोरामुमोले राज्य सरकारसँग गरेको सम्झौताको आधारमा यो अवस्था निर्माण हुने सम्भावना प्रबल छ। गोर्खाल्याण्ड अथवा पञ्चायतिराज जस्ता ठूला मुद्दामा दलहरू केन्द्रित भए भने संघर्ष र तनाउ उत्पन्न नहोला तर जीटीए र दागोपापजस्ता मुद्दाहरूमा सत्तासंघर्ष भयो भने झगडा र हिंसा हुनसक्छ’ अर्कोतिर, क्रामाकपा अनि डीडीयुडीएफको शीर्ष समितिका अध्यक्ष डा एनोसदास प्रधानले पनि सक्रिय राजनीतिमा डा महेन्द्र पी लामाको पदार्पण हुनुपर्ने विचार व्यक्त गरेका छन। डा एनोसदास प्रधानले भागोप अध्यक्षको हैसियतमा यसबारे टिप्पणी गर्न अस्वीकार गरे पनि व्यक्तिगत तवरमा उनले डा लामा राजनैतिक नेतृत्वका रूपमा अघि आउनु पर्ने बताएका छन। ‘लोकसभा चुनाउ लड्नु मात्र उनको उद्देश्य होइन होला। समाजको गुणात्मक रूपान्तरको नारा लिएर अघि आएका डा लामा राजनीतिदेखि टाडा बसे यो सम्भव छैन’ यता, क्रामाकपाको कालेबुङ आञ्चालिक समितिका अध्यक्ष किशोर प्रधानले पनि एकजना बौद्धिक अनि समक्ष व्यक्तिका रूपमा चिनिएका डा महेन्द्र पी लामाको आगमनले राजनैतिक मुल्यबोध पनि बढेर जाने मन्तव्य जाहेर गरेका छन। ‘बुद्धिजीवीहरू अरूको पछि लागेर स्वार्थसिद्धि गरेको इतिहास मात्र छ पहाडमा। डा लामाजस्ता अन्तराष्ट्रीय पहिचान र योग्यता भएका व्यक्ति सक्रिय राजनीतिमा आउनु सकरात्मक कुरा हो’ किशोर प्रधानले भने। उनले गोर्खाल्याण्डप्रति इमानदार र नेतृत्व सक्षम व्यक्ति राजनीतिमा आउँदा आन्दोलनलाई सामुहिक रूपमा अघि बढाउनसमेत प्रभावकारी हुने बताएका छन।

Read More

विपक्षी दलहरूका कारण असामाजिक घटनाहरू भइरहेको छ - डा. छेत्री

कालेबुङ, 24 अप्रेल।

“पहाड़मा विपक्षी दलहरूको कार्यक्रमहरूसँगै अगणतान्त्रीक र असामाजिक तत्वहरूको रगरगी धेर हुन थाल्यो” दुषकर्मकाण्डको चौतर्फी विरोध भइरहेको समय विधायक डा. हर्कबहादुर छेत्रीले आज यस प्रकारको बयान दिएका हुन्। हाल टिस्टा बालिका बलत्कार घटनाको चौतर्फी विरोध भइरहेको समय कालेबुङका विधायक एव मोर्चा प्रवक्ता डा. छेत्रीको उक्त बयानले विरोधको माहोललाई नै फयातुलो पारेको छ। आज कालेबुङका पत्रकारहरूसँग कुराकानी गर्दै विधायक छेत्रीले असामाजिक क्रियाकलाप बढ़्नुमा विपक्षी दलहरूलाई जिम्मेवार बताएर आफ्नो दललाई यस्ता घटनाहरूबाट अक्षुण राख्ने प्रयास गरेका छन्।  डा. छेत्रीको उक्त बयानलाई विवादस्पद वयान मान्न सकिन्छ। दुष्कर्मकाण्डलाई केन्द्र गर्दै डा. छेत्रीले असमाजिक तत्वहरूलाई विपक्षका दलहरूले आश्रय दिइरहेको गम्भिर आरोप लगाएका हुन्। “असामाजिक तत्वहरू हुन त हरेक ठाउँमा छ”-छेत्रीले भने, “जब पहाडमा विपक्षका दलहरूको कार्यक्रमहरू हुनथाल्यो तब गणतान्त्रिक भन्दा अगणतान्त्रिक कुराहरू धेर अघि आउनथाल्यो।”

अहिले पार्टीको नाममा असमाजिक तत्वहरू विपक्षका दलहरूमा पस्ने गरेको बताउँदै असामाजिक क्रियाकपालहरूका निम्ति शंकाका सुई विपक्षतर्फ फर्काएका छन्। विपक्षका दलहरूमा असामाजिक तत्वहरू पनि पस्ने गरेको अनि समाजविरोधी कार्य गर्नेहरूलाई पनि पार्टीले प्रश्रय दिनेगरेको बताए।

उनले केही दिनअघि नशालु पदार्थ सेवनको मामिलामा पनि यस्तै काम भएको आरोप लगाए। नशालु पदार्थ सेवनको मामिलामा विपक्षका पार्टीहरूकै सहयोगमा केही दिनअघि ड्रग्स सेवन गर्नेहरूले नै उल्टा प्राथमिकी गरेको उनले उदाहरण दिए।

“पार्टीको नाममा उनीहरूलाई प्रश्रय दिनु हुँदैन, डा. छेत्रीले भने, “नत्र समाज बिग्रेर जान्छ।”

वर्तमान राजनैतिक परिस्थितिको सन्दर्भमा डा. छेत्रीले केन्द्रमा ममता-मोदीको मिलन हुनसक्ने

सम्भावना धेरै कम रहेको बताएका छन्। उनी अनुसार केही दिनअघि प्रधानमन्त्री उम्मेदवार नरेन्द्र मोदीले भाजपालाई ममताको सहयोगको आशा नरहेको बयान दिएका थिए। यसैको आधारमा पनि भाजपलाई तृणमूल कङ्ग्रेसको सहयोगको आशा नरहेको डा. छेत्रीको अनुमान छ। डा. छेत्रीको धारणा अनुसार यदि केन्द्रमा भाजपा अनि तृणमूल कङ्ग्रेसमाझ गठबन्धन भएको खण्डमा पनि मोर्चालाई खासै फरक पर्दैन। प्रधामन्त्री उम्मेदवार नरेन्द्र मोदी स्वयंले गोर्खाहरूको पक्षमा कुरा गरेकाले मोदीकै वयानलाई समातेर आगामी दिनमा मोर्चा काम गर्ने पक्षमा छ।

Read More

टिस्टा दुष्कर्मकाण्डको चौतर्फी विरोध

कालेबुङ, 21 मार्च।(छेवाङ योञ्जन)

टिस्टामा नाबालिकामाथि भएको दुष्कर्मकाण्डको अहिले चौतर्फी विरोध भइरहेको छ। यस मालिमामा एकजना आरोपी पक्रा परेपनि दोषीलाई कोठर सजाय

दिनपर्ने माग जारी छ। यस घटनामाथि टिस्टावासीमात्र होइन यहाँका विभिन्न सङ्घ-संस्था अनि व्यक्ति विशेषले पनि आज उठाउन शुरु गरेका छन्। भारतीय गोर्खा परिसङ् आफैले एउटा सर्वभारतीय गोर्खाहरूको छाता सङ्गठन रहेको बताउँछ। यस सङ्गठनले यो घटनालाई कसरी हरेको छ? यसबेला यस्ता सङ्गठनहरूले समाजसित सरोकार रहेका यस्ता जटिल मामिलाहरूमा कस्तो भूमिका निर्वाह गर्नुपर्ने हो? टिस्टामा घटेको घटनाले आज चार दिन पुरा गरेपछि भागपोलाई केही गर्नुपर्छ भन्ने लागेको छ र अन्य सङ्घ-संस्थाहरूसित मिलेर प्रतिवाद जनाउने काम शुरु गरेको छ। आज यस परिसङ्घले यहाँका विभिन्न अराजनैतिक सङ्घ-संस्थाहरू कालेबुङ कृषक कल्याण सङ्गठन, गोर्खा दुःख निवारक सम्मेलन, कालेबुङ, संरक्षण समिति, हिल सोसियल वेलफेयर सोसाइटी आदिका प्रतिनिधिहरूसित बैठक गरी कालेबुङ महकुमा अधिकारी कार्यालयमा ज्ञापन बुझाएको छ। परिसङ्घका अध्यक्ष डा. एनोस दास प्रधानले घटनाको खण्डन गर्दै दोषीले कठोरभन्दा कोठर सजाय पाउनुपर्ने माग गरेका छन्। उनले यस घटनालाई निन्दनीय बताउँदै घटनाबारे विस्तृत छानबिन गर्ने बताएका छन्। उनले भने अनुसार सङ्गठनले अस्पतालबाट पनि पीडितको अवस्था अनि स्वास्थ्य जाँच रिपोर्ट लिनेछ। यसैको आधारमा पुलिस प्रशासनलाई पनि सही कार्यवाही गर्ने आग्रह गर्नेछ। उनले केही वर्षअघिको जिना प्रधान हत्याकाण्डसरह यो मामिला हराउन नहुने अनि पिडितले न्याय पाउनुपर्ने माग गरेका छन्। अर्कोतिर, हिल तृणमूल कङ्ग्रेस महिला सङ्गठनले पनि घटनाको विरोध जनाउँदै यस घटनाले सम्पूर्ण पहाडलाई नै लज्जित बनाएको सङ्गठनकी संयोजिका ननिता गौतमले बताएकी छन्। यसरी नै गोर्खा जनमुक्ति नारी मोर्चाले पनि घटनाको खण्डन गरेको छ। यसरी नै बाल हित अनि बाल अधिकारका निम्ति कार्य गरिरहेको संस्था बाल सुरक्षा अभियानको पक्षमा संयोजिका सिस्टर सुवेषणा थापाले पनि यस्तो अमानवीय क्रियापललाई दुर्भाग्यपूर्ण बताएकी छन्। यसपल्टको यस मामिलामा न्यायको माग गर्दै जनता नै सडकमा आउनु सकरात्मक कुरा रहेको बताएकी छन्। स्मरण गराइन्छ, गत 18 अप्रेलका दिन टिस्टाको गफुर गाउँमा एउटी 3 वर्षीय नाबिकमाथि दुष्कर्म भएको घटना अघि आयो। यस घटनाको आरोपमा सुनिल राई नाम युवक पक्रा परिसकेका छन्। यस घटना घटेलगत्तैदेखि टिस्टाबासीको आक्रोश अनि प्रदर्शन कार्य जारी रहेको छ। टिस्टाबासीले शुरु गरेको यस न्यायको लडाइँमा अहिलेघरि कालेबुङका विभिन्न सङ्-संस्थाले पनि साथ दिन शुरु गरेको छ।  यद्यपि दोषीले उचित सजाय पाउनसक्छ भन्नेकुरामा सन्देह छ। अहिलेसम्म यस्ता घटनाहरूमा दोषीहरूले सजाय पाएको घटना कमै मात्र छ। यसैले टिस्टाकाण्डको विरोधमा शुरु भएको न्यायको लडाइँमा पनि मानिसहरूले कानुनप्रति विश्वास गर्न सकिरहेका छैनन्। यस सन्दर्भमा कालेबुङका एक वरिष्ट अधिवक्ता प्रभार देवानले भने अनुसार दोषीलाई सजाय दिन कानुनी लडाइँ धेरै संवोदनशिल भएर लड्नुपर्छ। यस मामिलामा उचित प्रमाणहरू सङ्कलन गर्न सकिए दोषीले कमभन्दा कम 20 वर्षको सजाय पाउनसक्छन् भने दोषीलाई उमरकैदको सजाय पनि हुनसक्छ। यस्ता मामिलाहरूमा आरोपीले जमानत पाउन गाह्रो अनि 90 दिनभित्र पुलिसले चार्सिट दर्ता गर्नुपर्ने हुन्छ। यस मामिलामा पुलिसले पनि जिम्मेवारीपूर्वक कार्य गर्नुपर्ने अनि प्रमाण एवं गवाहीहरू जुटाउनमा सबैले परिवार अनि पुलिसलाई सहयोग गरे निश्चय नै केही समयभित्र नै दोषीले कठोर सजाय पाउने उनले बताएका छन्।

Read More

काँडामा जीवन फूलाउने कालेबुङको पाइन भ्यू नर्सरी

कालेबुङ, 21 मार्च।

कालेबुङमा अवस्थित विभिन्न नर्सरीहरूमध्ये पाइन भ्यू नर्सरी आज कालेबुङको एउटा प्रमुख पर्यटन स्थलको रूपमा स्थापित भइसकेको छ। यहाँ आउने देशी तथा विदेशी पर्यटकहरूले पाइन भ्यू नर्सरीको भ्रमण अवाक् भन्छन् अनि सराहना गर्छन्। यहाँ आउने अधिकांश पर्यटकहरू क्याक्स्टका कलेक्सनहरू देखेर छक्क पर्दै जीवनमै नौलो अनुभव भएको बताउँछन्।

यहाँ काँडाहरूमाझ जीवन फूलाइएको छ। अत्याधिक तापमानमा मात्र फूल्ने क्याक्टसका अनेकौँ प्रजातिहरू पाइन भ्यू नर्सरीमा पाइन्छ। कालेबुङ शहरदेखि लगभग 2 किलोमिटर टाडामा अतिसा रोडमा  अवस्थित पाइन भ्यू नर्सरीमा विश्वभरिका लगभग 15 सयभन्दा धेर प्रजातिका क्याक्ट्सहहरू पाइन्छ। मुख्य गरेर क्याक्टय् गरम ठाउँहरूमा मात्र पाइन्छ। तर जबपनि पर्यटकहरू कालेबुङको पाइन भ्यू नर्सरीको भ्रमण गर्न आइपुग्छन् तब यहाँ रहेका अनेकौँ प्रजातिका क्याक्टस्हरू देखेर उनीहरू अवाक् बन्छन्। किनभने धेरजसो समय ठण्डा रहने कालेबुङको पाइन भ्यू नर्सरी आज एसियाकै सबैभन्दा वृहत क्याक्टस् नर्सरीका रूपमा स्थापित भइसकेको छ।

लगभग 42 वर्षअघिदेखि फूल खेतीमा रूची राख्ने स्व. मोहन एस. प्रधानको नीजि प्रयासमा पाइन भ्यू नर्सरी आजको स्थितिमा पुगेको हो। अर्किडको खेती अनि यसको व्यापारका स्वं प्रधानले फूल खेतीलाई आफ्नो जीवन धान्ने माध्यम बनाएका थिए। शुरू दिनहरूमा फूल खेती रूचीको विषय मात्र थियो। पछिबाट अर्किड फूल व्यवसायमा कतिपय असुविधाहरू देखापरेपछि उनले कालेबुङमा क्याक्टस् फुलाउने निधो गरेका हुन्। विदेशमा रहेका एकजना साथीको सुझाउ स्वरूप स्वं प्रधानले क्याक्टस् खेती शुरु गरेका थिए। यसबेला उनले उत्तर-दक्षीण अनि मध्य अमेरीकाबाट क्याक्यक्टस्का बिरूवाहरू कालेबुङ ल्याउने गर्थ्ये। एकजना उध्यमी व्यक्ति प्रधानको लगनशिलता अनि कर्मनिष्ठाकै फलस्वरूप आज विश्वमा नै क्याक्टस् खेतीको रूपमा पाइन भ्यू नर्सरी दोस्रो स्थानमा छ। वर्ष 2011 को जनवरी सातमा मोहन शमसेर प्रधानको निधन भएपछि आज उनकी स्वास्नी धुनु प्रधान अनि छोरी नभनिता प्रधान यसलाई अझ ठूलो रूप दिन प्रयासरत् छ।

यस नर्सरी हाल कालेबुङ आउने हरेक पर्यटकहरूको आकर्षणको केन्द्रविन्दु बन्नपुगेको छ। सठिक मौसमको समय यस नर्सरीमा दैनिक 3 सयभन्दा अधिक पर्यटकहरू आउने गरेका छन्। जनवरी महिनादेखि मध्य मार्चसम्म, अप्रेल महिनादेखि मध्य जुलाईसम्म अनि अक्टोबर महिनामा यस नर्सरीमा पर्यटकहरूको घुइँचो लाग्ने गर्छ। पाइन भ्यू नर्सरी कालेबुङको प्रमुख पर्यटकस्थसितै कालेबुङको परिचय हो।

Read More

गोर्खा भारती विचार मञ्चको चुनाउ आयोगमा आपत्ती

कालेबुङ, 16  अप्रेल।
एकातिर भारतवर्षलाई विश्वको सबैभन्दा महानतम् गणतान्त्रिक राष्ट्र भनेर देशवासीहरूले नाक घोक्र्याउँछन् अनि गणतन्त्रको सबैभन्दा ठुलो पर्वको रुपमा चुनाउलाई मान्छन्।

लोकतन्त्रको मूलाधार नै चुनाउ हुनाले सम-सामयिक रुपमा सम्पन्न हुने मतदानहरूलाई सफलतापूर्वक अनि सार्थकतासित सञ्चालित गराउन चुनाउ आयोगले अर्बौँ रुपियाँ खर्चेर देशवासीहरूलाई मताधिकारको प्रयोग गर्ने विषयमा जागरुक गराउँछ भने अर्कोतिर कतिपय यस्ता व्यक्तिहरू जसलाई युवाहरूले आफ्नो आदर्श ठान्ने गर्छन् उनीहरू देशबाहिर गएर मनोरञ्जनात्मक कार्यक्रमहरूमा भाग लिइरहेका हुन्छन्। यसै विषयलाई मध्यनजर गरेर गोर्खा भारती विचार मञ्चले आज १६ अप्रेलका दिन भारतको चुनाउ आयोगसमक्ष आपत्ती जाहेर गर्दै पत्राचार गरेको छ। गोभाविम-ले चुनाउ आयोगलाई पठाएको इ-गुनासोमा आजदेखि शारजाहमा सम्पन्न भइरहेको इन्डियन प्रिमियर लिग क्रिकेटप्रति ध्यानाकर्षण गरेको छ। आईपीएल महत्त्वपूर्ण हो कि राष्ट्रिय चुनाउ भन्ने शिर्षकमा गोभाविम-का चिन्तक सी.के. श्रेष्ठले प्रश्न तेर्स्याउँदै भनेका छन्, प्रत्येक राष्ट्रिय चुनाउले हामीलाई विश्वको सबैभन्दा महान् अनि शक्तिशाली गणतान्त्रिक देशको नागरिक हुन पाएकोमा गर्व गराउँदछ। चुनाउको माध्यमद्वारा नागरिकहरूले राष्ट्रिय प्रशासनमा सहभागी हुन पाउँछन्। यसपालि पनि चुनाउ आयोगले विभिन्न सरकारी अनि गैर-सरकारी सङ्गठनहरूसित मिलेर संयुक्त रुपमा देशको प्रत्येक नागरिकले मतदानमा अधिकभन्दा अधिक भाग लिएको सुनिश्चित गर्न भरमग्दुर प्रयास गरिरहेको छ। यसपालिको चुनाउमा अधिकाधिक युवा मतदाताहरूले अंशग्रहण गर्ने सम्भावना पनि देखा परेको छ। तर अर्कातिर एउटा पीड़ादायक स्थिति के छ भने देशका विभिन्न आदर्श मानिएका युवाहरू विवादग्रस्त आईपीएल खेलको कारण अनुपस्थित रहनेछन्। गोभाविम-को सोचमा यो देशको त्यस विचारधाराको विरोधाभास हो जुन विचारधाराले युवाहरूको चुनाउमा अंशग्रहणलाई बढ़ाउने दिशामा कार्य गरिरहेको छ। यति मात्रै होइन यी युवा खेलाड़ीहरू समयसमयमा भारतका मतदाताहरूलाई अधिकाधिक मतदान गर्ने अपिल गर्दै आफै विज्ञापनमा अनुहार देखाइरहेका हुन्छन्। के आईपीएल भारतको चुनाउभन्दा अधिक महत्त्वपूर्ण अवसर हो? तर यस विषयमा भारतका मिडिया हाउसहरू पनि चुप बसेका छन्। गोभाविम-को विचारमा राष्ट्रिय चुनाउ बर्सेनी पालन गरिने चाड़बाड़ होइन। पाँच वर्षमा सम्पन्न हुने यस गणतान्त्रिक अभ्यास अनि आईपीएल जस्ता म्याचहरूका तालिकालाई सबैको सुबिधालाई मध्यनजरमा गरेर प्रबन्धन गर्न सकिन्थ्यो कि? किन चाहिँ ती भारतीय क्रिकेट खेलाड़ीहरू जो यस देशका राष्ट्रिय पुरस्कार प्रापकहरू पनि हुन् उनीहरूलाई अनि क्रिकेट टोलीसित विदेश पुग्नुपर्ने तकनिकी सहायकहरू, प्रबन्धकहरू, प्रशंसकहरू, दर्शकहरू, पत्रकारहरूलाई उनीहरूको मतदानको अधिकारबाट वञ्चित गराउनु? गोभाविम चुनाउ आयोगलाई हार्दिकतासित अनुरोध गर्दै यसबारे उचित ध्यान दिएर सम्बन्धित पक्षसित वार्तालाप गरेर निकट भविष्यमा यस्तो घटना दोहोरिन नदिनका लागि पदक्षेप ग्रहण गर्ने आग्रह गर्दछ। यसो गरेर आयोगले देशको राष्ट्रिय हितलाई केवल एक मनोरञ्जनसित साट्ने छैन भनी गोर्खा भारती विचार मञ्च विश्वास राख्दछ। विचार मञ्चले प्रेषित गरेको उक्त गुनासोलाई चुनाउ आयोगले आफ्नो आपत्ती सङ्ख्या डब्ल्यूबी ३/२२/२८८०७५ दिनाङ्क १६ अप्रेलमा दर्ता गरेको छ अनि आगामी १५ दिनभित्र यसबारे उचित प्रत्युत्तर पठाउने प्रतिश्रुति दिएको छ।

Read More

धमिलो सम्बन्धमा मोर्चा

कालेबुङ 28 मार्च। (प्रदीप)ः गत लोकसभा चुनाउको तितो अनुभवहरू पचाएर मोर्चाले यसपालि फेरि भाजपालाई समर्थन गर्ने जोखिम त उठाएको छ तर कथङ्काल केन्द्रमा भाजपा सरकार आउन सकेन भने राज्यको तृणमूल सरकारले धूलो काट्छ भन्ने चिन्ताले यतिबेला मोर्चा नेतृत्वलाई गाँजेको छ। केही दिनदेखि मीडियासँग टाँडिएर बसेका मोर्चा प्रवक्ता डा हर्कबहादुर छेत्रीले आज यहाँका पत्रकारहरूलाई यस आशयको बयान दिएर दलभित्र मच्चिरहेको हुण्डरीको छनक दिएका छन।

यसपालि केन्द्रमा भाजपाको सरकार आउँछ भन्ने कुरामा मोर्चा नेताहरू आश्वस्त देखिएका छन। यति आत्मविश्वासकै कारण मोर्चा नेतृत्वले एकपल्ट राम्रो खप्की खाइसकेको राज्यकी मुख्यमञ्त्री ममता व्यानर्जीको ईच्छाविरुद्ध गएर भाजपालाई समर्थन गर्ने निर्णय लिएको छ। तर केन्द्रमा भाजपा आउन सकेन अनि दार्जीलिङ लोकसभा समष्टिमा पनि तृणमूल उम्मेद्वारले जीते भने आफ्नो गति के होला भन्ने मनोवैज्ञानिक दबाउ पनि मोर्चा नेताहरूले झेलिरहेका छन। ‘यदि केन्द्रमा भाजपाको सरकार गठन भएन अनि यता पहाडमा पनि भाजपा प्रार्थी पराजित भए पहाडवासीले राज्य सरकारको कठोर प्रताडनाको सामना गर्न पर्नेछ। त्योबेला राज्यले कुनै राजनैतिक दललाई छोड्दैन’ बिधायक डा हर्क बहादुर छेत्रीले भने। उनले यहाँको गोजमुमो पार्टी कार्यलयमा पत्रकारहरुसँग कुराकानी गर्दै भारतीय जनता पार्टी सानो राज्य गठनको पक्षमा रहेको कारण मोर्चाले समर्थन गरेको स्पष्टिकरण दिदै यदि भाजपा प्रार्थी पराजय भए गोर्खाहरुलाई राज्य सरकारले प्रताडना दिन सक्ने संकेत दिएका छन। भारतीय जनता पार्टी स सानो राज्य गठनको पक्षमा हुनको साथै भाजपाले राष्ट्रिय चुनाव घोषणा पत्रमा दार्जीलिङको समस्यालाई सहानुभूतिपूर्वक हेरिने भनि उल्लेख गर्ने पनि डा छेत्रीले बताएका छन। “पहाडवासीले सकारात्मक राजनीति गर्नुपर्छ। बिगतका दिनहरुमा जसले सरकार गठन गर्योड त्यस दलका प्रार्थी हामीले चुनेर पठाउँन सकेनौ। यो हाम्रो निम्ति दुर्भाग्य हो। तर यसपल्ट गोर्खाल्याण्ड दिने सरकार केन्द्रमा बनिने छाँट हुँदा हामी पछि पर्न हुँदैन” तिनले अझ भने। आजसम्म पहाडवासीले गलत प्रार्थी चुनेर संसदमा पठाएकै कारण यहाँको समस्या समाधान हुन नसकेको पनि तिनले बताए। यस सिलसिलामा तिनले भाजपा सांसद जसवन्त सिहको पनि आलोचना गरे। जहिले पनि जसवन्त सिहको जयजयकार गर्ने डा छेत्रीले आज तिनको आलोचना गर्दै सांसद सिहले गोर्खाल्याण्डको मुद्दालाई अखिल्यै गम्भिरतापूर्वक नलिएको आरोप थोपे। “हामी दिल्ली जाँदा तिनलाई झक्झकाउँदा मात्र अहिक तातिने गर्थे। वास्तवमा तिनले कहिल्यै गोर्खाहरुको समस्यालाई गम्भिरता पूर्वक लिएनन। यदि लिने हो भने भाजपामा राम्रो स्थान भएका संसदले तेलेंगना गठन हुँदा यसबारे चर्चा गर्न सक्ने थिए” डा छेत्रीले भने। अर्कोतर्फ भारतीय जनता पार्टीको राज्य शाखाले गोर्खाल्याण्डको बिरोध गरिरहेको सन्दर्भमा प्रश्न गर्दा राज्य भाजपालाई गोर्खाल्याण्डको बिरोध गर्नु आफ्नो राजनैतिक विवशता हो भनि प्रष्ट पारेका छन। तिनले आगमी लोकसभालाई लिएर मोर्चाले भाजपाको केन्द्रीय नेतृत्वसंग बैठक गरी गोर्खाल्याण्डको मुद्दालाई पार लगाउँन सम्झौता गरेको बताउँदै यदि भाजपाको सरकार गठन हुन नसके अझ पनि गोर्खाहरुको निम्ति दुर्भाग्य नै हुने पनि तिनले बताएका छन। यसको साथै डा छेत्रीले कुराकानीकै क्रममा लोकसभा चुनावबारे मौनता साँचेर बसेको गोरामुमो बारे प्रश्न गर्दा गोरामुमोले तृणमूललाई नै समर्थन गर्ना सक्ने सम्भावना व्यक्त गरे। “गोरामुमोकाहरु पहाड कसरी आए ? तिनीहरुलाई कसले ल्याए ? ¬चुनाव पछि उनीहरुको सुरक्षाको राज्य सरकारले गर्न सक्छ। यसकारण पनि गोरामुमोले तृणमूललाई समर्थन गर्न सक्छ” डा छेत्रीले भने।

Read More

घोटलाकाण्डका आरोपी कालिकोटेमाथि उपभोक्ता प्रेसर

कालेबुङ , 28 मार्च। इनरट्रिप रेयुकाई घोटालाकाण्डका अभियुक्त गौतम कालिकोटे आज न्यायालको पेशीअवधि पनि सञ्जोले बस्न पाएनन्। जब उनी आज कालेबुङ न्यायालय पुगे तब निवेशकहरूको एउटा ठूलै झुण्ड कोर्ट परिसरमा बसेका थिए। यसअवधि अभियुक्तलाई निवेशकहरूले चाँडै पैसा फिर्ता गर्नुपर्ने माग गर्दा निक्कैबेर कोर्ट परिसरमा तर्का-तर्की भएको थियो। गौतम कालिकोटेले इनरट्रिप रेयुकाईको नाममा मोठ 52 वटा स्वनिर्भर दल गठन गरेका थिए। प्रत्येल दलबाट 7 हजार पाँच सय रूपियाँ उनले संग्रह गरेका थिए। स्वनिर्भर दलहरूबाट संग्रहित राशी मोठ 11 लाख रुपिँया लिएर उनी चम्पट कसेको आरोप छ। यसपछि निवेशकहरूले प्राथमिकी दर्ता गरेपछि कालिकोटेको घर कुर्की गरिएको थियो। यसपछि कालिकोटेसित निवेशकहरूको पैसा फिर्ता गर्ने सम्झौता भएको थियो। यद्यपि सम्झौता भएको महिनौदिन बितिसक्दा समेत पैसा फिर्ता नगरेपछि आज न्यायालय आइपगुका कालिकोटेलाई निवेशकहरूले घेरेर पैसा फिर्ता गर्ने माग गरेको पीडितहरूले जनाएका छन्।

Read More

मोर्चाको बैठक

कालेबुङ, 28 मार्च। लोकसभा चुनाउलाई केन्द्र गर्दै आज गोर्खा जनमुक्ति मोर्चा महकुमा समिति कार्यालयमा दलीय कर्मी सभा सम्पन्न भयो। मोर्चा महकुमा समितिका संयोजक नोर्देन लामाको अध्यक्षतामा सम्पन्न सभामा मोर्चा प्रवक्ता एवं कालेबुङका विधायक डा. हर्कबहादुर छेत्री, सभासद् डा. आरबी भुजेल, सुनिल प्रधान, दावा लेप्चा लगायत केन्द्रीय समितिका सदस्य तारा लोहार लेप्चा, नगरपालिका अध्यक्ष गङ्गामाया गुरुङ, उपाध्यक्ष जायन लेप्चा, महकुमा समितिका सचिव कुमार चामलिङ, नगरपार्षदगण एवं अन्य पदाधिकारीहरू उपस्थित थिए। सभामा आगामी लोकसभा चुनाउलाई ध्यानमा राख्दै विभिन्न रणनीतिहरू तयार गरियो। यसका साथै वर्तमान पहाडको राजनैतिक परिस्थितिमाथि पनि चर्चा-परिचर्चा गरियो।

Read More

दार्जीलिङ-डूवर्स युनाइटेड डेभलपमेण्ट फाउण्डेशनको महकुमा स्तरीय चुनाउ समिति गठन

कालेबुङ 27 मार्च। (प्रदीप)ः दार्जीलिङ-डूवर्स युनाइटेड डेभलपमेण्ट फाउण्डेशन अनि यसका सहयोगी दलहरू मिलेर आज महकुमा स्तरीय चुनाउ समिति गठन गरिएको छ। यहाँको ठाकुरवाडीस्थित श्यामादेवी भवनमा सम्पन्न बैठकपछि चुनाउ समितिको गठन गरिएको हो। बैठकमा मूल रूपले डीडीयुडीएफ,क्रामाकपा अनि भागोपका नेताहरू उपस्थित थिए।

यद्यपि आज गठन गरिएको चुनाउ समितिमा यी तीन दलसहित गोर्खालीग र गोरानिमोका प्रतिनिधिहरूलाई पनि सामेल गरिएको छ। डीडीयुडीएफ र क्रामाकपाको संयुक्त आन्तरिक बैठकपछि पत्रकारहरूलाई सम्बोधन गर्दै फाउण्डेशनको शीर्ष समितिका चेयरमेन डा एनोसदास प्रधानले जनाएअनुसार आज गठन गरिएको महकुमा स्तरको चुनाउ समितिमा डीडीयुडीएफबाट सोनाम छिरिङ भोटियालाई संयोजक मनोनित गरिएको छ भने क्रामाकपाबाट मोहन पौड्याल, भागोपबाट पीके प्रधान, गोर्खालीगबाट प्रताप खाती अनि गोरानिमोबाट दावा पाखरिनसहित 8 जना सदस्यहरूलाई समितिमा सामेल गरिएको छ। निर्दल उम्मेद्वार डा महेन्द्र पी लामाको पक्षमा तृणमूल स्तरसम्म चुनाउप्रचार गर्न अब नगरपालिका र ब्लक स्तरमा पनि चुनाउ समितिहरूको गठन गरिने डा प्रधानले बताएका छन। कालेबुङ महकुमा क्षेत्रमा डा लामाको पक्षमा चुनाउ अभियान चलाउन यो समितिले कार्यक्रमहरू तय गर्ने उनले जनाएका छन। यो समितिले आउँदो 31 मार्चका दिन यहाँको टाउन हलमा एउटा अन्तरक्रियात्मक कार्यक्रमको आयोजना गर्ने आजको बैठकले प्रस्ताव ग्रहण गरेको छ। निर्दल उम्मेद्वार डा महेन्द्र पी लामाको उपस्थिति रहने यस दिनको कार्यक्रममा विभिन्न जातीय अनि धार्मिक संगठन, शैक्षिण संस्थानका प्रतिनिधि, नागरिक समाज र विद्यार्थीवर्गलाई निम्ताएर डीडीयुडीएफको लक्ष्य र लामाको उम्मेद्वारिताबारे अन्तरक्रिया गरिने शीर्ष समितिका चेयरमेन डा एनोसदास प्रधानले बताएका छन। यसरी नै चुनाउ समितिले 12 अप्रेलमा यहाँको मेलाग्राउण्डमा एउटा चुनावी जनसभाको आयोजना गर्ने निधो गरेको छ। यसै गरी महकुमाको अन्य क्षेत्रहरूमा पनि जनसभा र पथसभाहरूको आयोजना गरी डा लामाको पक्षमा प्रचार गरिने उनको भनाइ छ। डा प्रधानले गोरामुमोलाई डा महेन्द्र पी लामाको पक्षमा आफ्नो समर्थन जाहेर गरिदिन अपिल पनि गरेका छन। उनले छैंटौं अनुसूचीमार्फत गोर्खाल्याण्डसम्म पुग्ने गोरामुमो प्रमुख सुवास घिसिङको सपनालाई साकार पार्न डा लामा प्रतिबद्ध रहेको दाबी गर्दै भने, “हामीलाई छुट्टै राज्यको सपना देखाउने सुवास घिसिङ नै हुन्। छैटौं अनुसूचीबाटै भए पनि उनको लक्ष्य पनि गोर्खाल्याण्ड नै हो। महेन्द्र पी लामा उनको यो सपना पुरा गर्ने अभियानमा लागेका छन। यतिबेला उनले लामालाई समर्थन गर्नुपर्छ” उनले गोजमुमो र भाजपालाई जाली गोर्खाल्याण्डपन्थी दलको संज्ञा दिँदै यी दलहरूमाथि विश्वास गर्न सकिने अवस्था नरहेको मन्तव्य व्यक्त गरेका छन। ‘गोर्खाल्याण्डपन्थीहरू पनि साँचो र जाली दुइ थरी छन। अहलुवालिया टाइपका दलहरू जाली गोर्खाल्याण्डपन्थी हुन। आफ्नो चुनावी क्षेत्रमा एउटा कुरा गर्छ अनि दलको घोषणा पत्रमा अर्को कुरा। भाजपाले आफ्नो चुनावी घोषणापत्रमा कतै पनि गोर्खाल्याण्डको उल्लेख गरेको छैन” प्रधानले टिप्पणी गरेका छन। उनले गोरूबथानको चुनावी जनसभामा तृणमूल नेत्री ममता व्यानर्जीले दिएको भाषणको पनि आलोचना गरेका छन। राज्यकी मुख्यमञ्त्रीको भाषण यहाँको कुनै दलविशेषलाई धम्क्याउने मात्र नभएर सम्पूर्ण गोर्खा समुदायको आत्मसम्मानलाई नै चोट पुर्याषउँने प्रकारको भएको आरोप लगाउँदै भने, ‘पहाडका जनताले उनको धम्कीको जवाफ ईभीएममार्फत हुनेछन’

Read More

गोरामुमोको सभा

कालेबुङ 27 मार्च। (प्रदीप)ः कालेबुङ नगरपालिकाको एघार नम्बर वार्डमा गोरामुमोले आज टाउन कमिटिको शाखा विस्तार गरेको छ। 11 नम्बर वार्डको गोसखान क्षेत्रमा आज सम्पन्न दलको बैठकपछि टाउन कमिटि शाखाको पुनर्गठन गरिएको छ। दलको कालेबुङ महकुमा समितिका

अध्यक्ष मौरिस कालीकोटेको उपस्थितिमा सम्पन्न बैठकमा सहसचिव अनील लोप्चनलगायतका नेताहरू सहभागी थिए। टाउन कमिटिको 11 नम्वर वार्ड शाखामा राकेश मुखिया अध्यक्ष, शरण थापा उपाध्यक्ष, गम्भीरे तामाङ सचिव, प्रभात राई सहसचिवसहित कार्यकारी सदस्यहरू मनोनित गरिएको छ। वार्ड स्तरीय सभालाई सम्बोधन गर्दै महकुमा समितिका सहसचिव अनील लोप्चनले छैटौं अनुसूचीको अन्तरिम काउन्सिलको निम्ति आएको कोषले नै जीटीए सञ्चालन भइरहेको दाबी गरेका छन। उनले छैटौं अनुसूचीले मात्र जनाकाङ्क्षा पूरा हुने ठोकुवा गर्दै भने, ‘आज केही मानिसहरू सुतेको नाटक गर्दैछन, उनीहरूलाई जगाउन आवश्यक छ। चुनावी राजनीतिसँग हाम्रो कुनै सरोकार छैन। हाम्रो सङघर्ष केवल छैटौं अनुसूचीको प्राप्तिको लागि हुनेछ’

Read More

छत्र सुब्बाले खोले भाजपा पार्टी कार्यालय

कालेबुङ, 27 मार्च। चुनाव अभियानलाई तिब्र पार्न कालेबुङका भारतीय जनता पार्टीका कार्यकर्ताहरूले पार्टी कार्यालय उद्घाटन गरेका छन्। भाजपा कार्यकर्ताहरूले यहाँको आरसी मिन्त्री रोडमा अवस्थित होटल एञ्जलिको तल्लो तलामा दलको चुनावी पार्टी कार्यालय स्थापित गरेका छन्।

हालैमा उक्त दलमा सामेल भएका छत्र सुब्बाले आज भाजपाको टाउन कार्यालयको उद्घाटन गरे। कार्यालय उद्घाटन कार्यक्रममा नारी मोर्चा नेतृत्वहरूको पनि उपस्थिति रहेको थियो। नारी मोर्चा नेतृत्वहरू तारा लोहार लेप्चा, मृदुला सुब्बा, लह्मु शेर्पा अनि स्थानीय भाजपा कार्यकर्ताहरूको उपस्थितिमा पूर्र्व जीएलओ प्रमुख एवं हालैमा भाजपामा सामेल भएका छत्र सुब्बाले कार्यालयको उद्घाटन गरे। कार्यालय उद्घाटन कार्यक्रमलाई सम्बोधन गर्दै सुब्बाले आज पनि आफू छुट्टै राज्य गोर्खाल्याण्डको पक्षमा रहेको पुष्टी गरेका छन्। आफ्नो सम्बोधनमा तिनले भारतीय जनता पार्टी सानो राज्य गठनको पक्षमा रहेको दावी गर्दै छुट्टै राज्यको कारण नै आफू उक्त दलमा सामेल भएको बताए। भाजपाको जीतपछि छट्टै राज्य सम्भव हुने बताउँदै सुब्बाले आज उद्घाटन गरेको सो पार्टी कार्यालय स्थायीरूपमा रहने बताए।

Read More

कालेबुङमा कंग्रेसको चुनाव प्रचार

कालेबुङ, 27 मार्च। 16 औँ लोकसभा चुनाउका निम्ति दार्जीलिङ समष्टिमा कङ्ग्रेसले पनि चुनावी कसरत शुरु गरेको छ। कङ्ग्रेसले सिलगढीका सुजय घटकलाई दार्जीलिङको आसनमा टिकट दिएपछि उनले आज कालेबुङमा पनि दलीय कर्मीहरूसित सभा गरे। उनी अनुसार कङ्ग्रेसले पहाड विकासलाई नै यसचोटीको चुनाउमा प्रमुख मुद्दा बनाएको छ। पहाड अनि समतलमाझ देखिएको विकास अनि सोच सम्बन्धीका विभिन्नतालाई तोड्नु नै आफ्नो पहिलो मुद्दा रहेको उनले बताए।

'यहाँ कोही मुख्यमन्त्रीकहाँ गइरहेका छन् भने कोही मोदीकहाँ'-घटकले भने,"तर कङ्ग्रेस मात्र एउटा यस्तो पार्टी हो जसले पहाडमा शान्ति, विकास अनि सद्भावना कायम राख्नसक्छ।' पत्रकारहरूसित कुराकानी गर्दै उनले पहाडका राजनैतिक ससस्याहरू आजसम्म कङ्ग्रेसल नै समाधान गर्दै आइरहेको दावी गरे। पूर्व प्रधानमन्त्री राजिव गान्धी लगायत जीटीए सम्झौताअवधि पनि पी. चिदम्बरम पहाड आएको प्रसङ्गलाई उनले उदाहरण बनाए। यसअवधि उनले हिल कङ्ग्रेसका नेतृत्वहरूले भन्ने गरेको स्वायत्त शासनको मुद्दा समेत उनीहरूको व्यक्तिगत सोच मात्र रहेको स्पष्ट पारे। कङ्ग्रेस पार्टीको नीति निर्धारण दिल्लीबाट नै हुने भएकाले यहाँका स्थानीय नेतृत्वहरूले गोर्खाल्याण्ड नै हुन्छ भनेपनि केही नहुने उनले स्पष्ट पारे। दार्जीलिङलाई राज्य दिनु अवथा स्वायत्त शासन दिनुपर्ने कङ्ग्रेसले नै आफ्नो चुनावी घोषणा पत्रमा हाल्ने भन्दै यी कुराहरू स्थानीय नेतृत्वहरूको सोच मात्र रहेको उनले बताए। उनले अझ भने अनुसार वालसन जल परियजनाको माध्यमबाट पहाडको पानीको समस्या कङ्ग्रेसले नै धेरै हद्सम्म पूर्ण गरेको हो। जीटीएमा राज्य सरकारको धेर हस्तक्षेप रहेकोले जीटीएले पनि काम गर्न नसकिरहेको उनले दावी गरे। दार्जीलिङमा अहिले केन्द्रको कङ्ग्रेस सरकारले नै तयार पारेको योजनाहरू राम्ररी लागु भइरहेको दावी गरे। यसका निम्ति बितेको वर्ष दार्जीलिङ जिल्लापालले सयदिने रोजगार योजनामा उत्कृष्ट पुरस्कार पाएको कुरालाई उनले उदाहरण दिए। आजको चुनावी सभामा जिल्ला कङ्ग्रेसका अध्यक्ष सरोज खत्री, उपाध्यक्ष डानियल लेप्चा, सचिव किरण मुखिया, एनोस लेप्चा, एलटी सिन्हा, देवाशिस घोष आदि उपस्थित थिए। सभामा भाजपा. मोर्चा, तृणमूल कङ्ग्रेस आदिको नीतिको विरोध गर्दै वक्ताहरूले कङ्ग्रेस समतलमा दह्रो स्थितिमा रहेको अनि पहाडमा पनि चुनावी अभियानलाई तीब्र रूपमा अघि लान दलीय कर्मीहरूलाई आह्वान गरिएको छ।

Read More

मानेको पातमा जनता र चलखेल

 Manoj Bogati

 कालेबुङ, 29 जनवरी। ‘जनता भनेको मानेको पातको थोपा सरह हो, पात हल्लिएपछि जनता भुइँमा खस्छ,’ गोर्खा जनमुक्ति मोर्चाका अध्यक्ष विमल गुरूङले मदन तामङको हत्या हुन अघि जनतालाई लक्ष्य गर्दै भनेका थिए। मदन तामङको हत्यापछि जनता तिनको विरुद्धमा ओर्लिएको देखेपछि तिनले आफ्नो टिप्पणी सच्याए। ‘जनता भनेको मानेको पातको थोपा होइन रहेछ, जनता नरहे नेताको अर्थ नहुँदोरहेछ,’ गुरूङले दुईवटा टिप्पणी दुई फरक परिस्थिति भोगेपछि नै गरेका थिए। तिनी जब जिटिएका प्रमुख बने तब जनतालाई मानेको पातको थोपा भनेर अर्थाए। मदन तामङको हत्याले मोर्चा नेताहरूको हरिबिजोक पारेको बेला जनताले देखाएको आक्रोस देखेपछि जनतामाथि राखेको धारणा सच्याए। अहिले फेरि विमल गुरूङ जिटिएका प्रमुख बनेका छन्‌ भने जनतालाई फेरि त्यही ‘मानेको पातको थोपा’ बताइरहेका छन्‌। तर विमल गुरूङले यतिबेला जनतालाई मानेको पातको थोपा बताइरहेका छन्‌ जतिबेला जनता विभिन्न शक्तिहरूमा विभाजित छन्‌। मुखेञ्जी लोकसभा चुनाउ छ अनि राज्य सरकारले मोर्चालाई लिएर चलखेल सुरु गरिसकेको छ। मोर्चालाई जिटिएमा थन्काएर तृणमूलको सरकारले आन्दोलनकारी गोर्खाहरूलाई बोर्डको प्रलोभन देखाएर विभाजन गरिसकेको छ अनि राज्यसत्ताको यो चलखेलको केन्द्र केवल लोकसभा चुनाउ नै रहेको स्पष्ट छ। कुरा के चलिरहेको छ भने लोकसभा चुनाउमा तृणमूल कंग्रेसले उम्मेदवार दिने कि मोर्चाको उम्मेदवारलाई तृणमूलले सघाउने? मोर्चाको उम्मेदवारलाई तृणमूलले समर्थन गर्नु वा तृणमूलको उम्मेदवारलाई मोर्चाले समर्थन गर्नु एउटै कुरा हो। दुवैले पठाएको सांसद ‘गोर्खाल्याण्ड’को निम्ति होइन। लोकसभा चुनाउको मुद्दा गोर्खाल्याण्ड नभएपछि जनता निश्चित रुपमा मानेको पातको थोपा नै बन्ने हो। तर थोपा रहेको जनता तृणमूल कंग्रेसको सरकारको ‘विकास बोर्ड’-को पातमा छ। ‘बोर्ड’-को कारण लेप्चाहरूको भोट तृणमूल कंग्रेसको थैलोमा खस्न पनि निस्चित छ। अब खस जनजाति, खम्बु राई, तामाङ, भुजेल, भोटिया अथवा जो जो ‘बोर्ड’-को निम्ति कम्मेर कसेर निस्किएका छन्‌, उनीहरूको भोट पनि ‘बोर्ड’-ले पकाएर तृणमूल कंग्रेसको थैलोमा नै झर्ने निस्चित कुरा हो। हरेक जात गोष्ठीको भोट बोर्डको कारण गोर्खाल्याण्ड विरोधी तृणमूल कंग्रेसलाई जाने निश्चित देखेपछि विमल गुरूङले जनताको अर्थ मानेको पातको थोपा देख्नु आश्चर्यजनक होइन। कमसेकम गोर्खाल्याण्ड यस्तो मुद्दा थियो जसले समग्र जातगोष्ठीलाई एक सूत्रमा बॉंध्ने काम गरेको थियो। जब मुद्दा नै रहेन तब त्यो एकता फुटेर बोर्डमा विभाजित छ। यो विभाजन सम्पूर्ण जातिको निम्ति कतिको हानिकारक हो, त्यसबारे बहस भइरहेको छैन। डा. महेन्द्र पी. लामाले गरिरहेको कसरतले पनि भोट विभाजित हुने निश्चित रहेको छ। विमल गुरूङको पार्टीले छुट्टै राज्यको निम्ति राष्ट्रिय पार्टी भाजपा वा कंग्रेस कसलाई समर्थन गर्ने भन्ने कुराको जवाब स्वंय मोर्चासित पनि छैन। किन भने मोर्चाले शक्ति जातगोष्ठीमा विभाजित भइसकेको छ। छुट्टै राज्यको आन्दोलन घटेर विकासमा अल्झिएपछि पाहाडका जात गोष्ठीलाई ममताको ममतामा नै विश्वास हुन थालेको छ। विमल गुरूङमाथिको विश्वास गुमाएपछि नै ‘बोर्ड’-को राजनीतिले शक्ति प्राप्त गरेको हो। हरेक जात गोष्ठीको एकता अन्तमा ‘भोट’ शक्तिमा रुपान्तर भइसकेपछि जनता मानेको पातको थापा भन्दा धेर केही पनि नहुने निश्चित भयो। तर लोकसभा चुनाउ सकिएपछि यो शक्तिको अवस्था कस्तो हुने हो, त्यो लोकसभाभरि चल्ने चलखेेलले निर्धारण गर्ने निश्चित छ।

Read More

काव्य संवाद र तुम्खेवाको एकल कविता

कालेबुङ, 23 जनवरी।

कालेबुङ सडक कविता समूहद्वारा 25 जनवरीको दिन काव्य संवाद एंव नेपालका कवि विमला तुम्खेवाको एकल कविता वाचन कार्यक्रम आयोजना गरिएको छ। संयोजक प्रदीप लोहागुणले बताए अनुसार नेपाल -भारतका युवा कविहरूविच काव्य संवाद गराउने उद्देश्यले यो कार्यक्रमको आयोजन गरिएको हो। अघिबाट नै यो समूहले  सडकमा कविता नामक कार्यक्रम चलाउँदै आइरहेको छ। यसपटक सप्तश्री ज्ञानपीठ स्कुलको मैदानमा दार्जीलिङका युवा कविहरूलाई भेला गरिने भएको छ। ‘युवा कविहरूविच हुने काव्य संवादले कविता लेखनलाई उचाईँ दिने वातावरण निर्माण  गरोस् भन्ने हाम्रो सोंच छ,’ लोहगुणले भने,‘ कवितासितै केही विमर्श अनि  वैचारिक विनियम पनि हामीले राखेको अपेक्षा हो।’ नेपालका चर्चित कवि विमला तुम्खेवाले एकल कविता वाचन गर्नेछन्। ‘जीवन र समाजलाई कविताको केन्द्रमा राखेर कविता कोर्न जुटेकी कवि हुन् विमला,’ तिनले भने,‘नेपालका युवा कविहरूको कला र विचारसित दार्जीलिङका युवा कविहरूले साक्षात्कार गरुन् भन्ने हाम्रो उद्देश्य  हो।’ कार्यक्रमको तयारीमा व्यस्त रहेका कवि छेवाङ योञ्जनले दार्जीलिङका चर्चित कविहरूलाई पाठकले एकैसाथ मञ्चमा देख्न पाउने बताए। ‘उनीहरूलाई पाठकले अलगअलग गरी पढिरहेका छन्,’ तिनले भने, यसपल्ट पाठकले उनीहरूलाई एकै ठाउँ प्राप्त गर्न पाउनेछन्।’ यता, संयोजक मनोज बोगटीले कवि विमला तुम्खेवालाई सम्मान पनि गरिने अनि कविहरूविच वर्तमान कविता लेखनबिच चर्चा पनि हुने बताएका छन्।

Read More

Cross-border literary interaction prog

KALIMPONG

23 Jan 2014

Kalimpong-based literary group Sadak Kavita will host a literary function on January 25 at Saptashree Gyanpith School. Programme coordinator Pradip Lohagun said the event called ‘Kavya Samvad’ is being organised to promote literary interaction between Nepali poets of Nepal and India. The event will also see poetry recitation by popular Nepalese poet Bimala Tumkhewa.

Lohagun said a literary interaction between emerging poets takes poetry as a genre to new heights. He said the programme is being hosted to develop an environment congenial for the advancement of Nepali poetry. “The event will facilitate exchange of ideas and thoughts among poets across the border,” he noted.

Read More

SDF leader injured in clash with SKM

Gangtok

23 Jan 2014

A clash between the Sikkim Democratic Front and Sikkim Krantikari Morcha on Wednesday evening has left SDF Organisation Secretary Avinash Yakha injured. The clash reportedly took place when Yakha was returning from a constituency level meeting in Geyzing. He had stopped on the Yangyang-Pabung Road in South Sikkim for some respite when SKM supporters allegedly attacked him. 

According to Yakha, five SKM supporters started a conversation in the course of which some more SKM supporters arrived and suddenly started assaulting him with rods and stones. Yakha has sustained several injuries in his head and arms and is currently undergoing treatment at the Central Referral Hospital in Tadong.

However, the SKM leadership has denied the allegation with SKM leader Jacob Khaling saying, “We did not attack Yakha. This is part of the SDF’s conspiracy to defame our party. Our party flag was torn down by SDF supporters at Bermiok following which our supporters protested. It was SP (West) DB Giri who stopped SKM vehicles to provoke our leaders. We refrained from involving in any form of clash with the SDF.”

He added Giri arrested SKM youth leader Topzang Bhutia instead of levying a fine on him for driving an overloaded car. SKM leader Roshan Pradhan, ruling out the allegation, said, “If we were to attack the SDF we could have done it on the spot.”

Pradhan further accused the SDF leader and said, “Yakha is everyone’s target because of his attitude. He cheated Temi Tarku residents in the previous election.”

Meanwhile, the SDF in a press release today accused the SKM of trying to disrupt its meeting despite the SDF maintaining peace. The ruling front further accused the SKM of spreading violence across the state and urged for the immediate arrest of the SKM youths involved in the clash.

The SKM supporters identified are Roshan Pradhan of Ranipool, Phurden Lepcha of Nandugoan and Tika Hang Subba of Sombaria. They are presently absconding and have been charged under section 147 of the IPC for spreading violence and physically assaulting Yakha. The police are on their lookout.

Read More