कालेबुङ अनि खरसाङलाई अलग जिल्ला बनाउनुपर्ने गोरानिमोको माग

कालेबुङ 12 मार्च कालेबुङ अनि खरसाङलाई अलग जिल्ला बनाउनुपर्ने मागमा आज पोस्टर टास्ने अनि पर्चा वितरण गर्ने कार्य गरेको छ| गोर्खाल्याण्ड राज्य निर्माण मोर्चाले तराई-डुवर्सका क्षेत्रहरू अन्तर्भुक्त गरेर कालेबुङलाई अलग जिल्ला घोषणा गर्नुपर्ने अनि सिलगड़ीका केही स्थानहरूलाई गोभेर खरसाङलाई पनि अलग जिल्ला बनाउनुपर्ने माग गरेको छ| आज यसा मागमा गोर्खाल्याण्ड राज्य निर्माण मोर्चाले अपीलसितै पोस्टर टास्ने अनि पर्चा वितरण गर्ने कार्य गरेको छ| दार्जीलिङ जस्तो आधा जिल्लाभएको ठाउँलाई लिएर छुट्टै राज्यको गठन सम्भव नरहेको गाोनिमो ठान्छ| यसैले शहरमा पर्चा वितरण कार्यअवधी गोरानिमो अध्यक्ष दावा पाख्रिनले पत्रकारहरूसित कुराकानी गर्दै यसपल्टको आन्दोलन पनि दावी गरिएको भूभागमा जिल्लाको अभावको कारण नै लक्ष्यमा पुग्न नसकेको बताएका छन्| राज्य बनिनको निम्ति यतिवटा जिल्ला हुनुपर्छ भन्ने कुनै संवैधानिक प्रावधान नभएपनि केन्द्रमा अलग राज्यको कुरा गर्नपरे सँधै जिल्लाकै कुरा गर्ने गरेको उनलो बताए| साड़े ६ लाख जनसंख्या रहेको सिक्किममा ४ वटा जिल्ला अनि १० लाख जनसंख्या रहेको मिजोराममा ७ वटा जिल्ला बनाएकको उदाहरण दिँदै उनले प्रस्तावित गोर्खाल्याण्ड क्षेत्रमा तीनवटा थप दुइवटा नयॉं जिल्ला निर्माण हुनसके अलग राज्यको मागलाई थप टेवा पुग्ने बताएका छन्|