आजको पैह्रो दार्जीलिङ अनि कालेबुङमा

13(कालेबुङ)ः- गत राती परेको अबिरल बर्षाले दार्जीलिङ पहाडका धेरैवटा क्षेत्रहरु पैह्रोको चपेटमा परेको छ। पैह्रोको चपेटमा परेर केही मानिसहरु घाइते पनि भएका छन जसलाई दार्जीलिङको विभिन्न अस्पतालहरुमा भर्ना गरिएको छ। यता, राजमार्ग 31एको कालीझोडा अनि तारखोलामा पैह्रो सोहोरिएर राजमार्ग अवरुद्ध हुँदा आज बिहान 11 बजीसम्म यातायात ठप्प रहेको थियो तर बीआरओको तत्परतामा राजमार्गमा यातायात सुचारु गरिए पनि जामको कारण यातीहरुहरु समस्याको सम्मुखिन भएका छन।पहाडका विभिन्न क्षेत्रमा पैह्रोको कारण सयौंको संख्यामा मानिसहरु प्रभावित भएका छन भने सडकहरु अवरुद्ध भएको कारण जनजीवन पनि अस्तव्यस्त भएको छ। दार्जीलिङको डाली,ब्लुमफिल्ड, रिशीहाट, चौरस्तालगायत केही चियाकमानहरुमा पैह्रोले आवासीय घरहरुलाई व्यापक क्षति पुर्यााएको छ भने यता कालेबुङको भालुखोप, 7 माइल छिबो पोस्योर बस्ती, 15 माइल आदि क्षेत्रहरुमा पैह्रोले व्यापक क्षति गरेको छ। कालेबुङ क्षेत्रमा लगभग एक दर्जन परिवार पैह्रोको कारण प्रभावित भएका छन। पैह्रो झरेर सडकहरु अवरुद्ध भएको कारण यातायात सेवा पनि प्रभावित भएको छ। कालेबुङ शहरदेखि आठ किमी टाडा 15 माइलमा पैह्रोले एउटै गाउँको आठवटा घरहरुलाई आंशिक नोक्सान पुर्यााएको छ तर सम्भावित खतरालाई केन्द्र गरी स्थानीय प्रशासनले प्रभावित परिवारहरुलाई सुरक्षित स्थानतिर स्थानान्तरण गरेको छ। पैह्रोले नोक्सान पुर्यारएको घटनापछि स्थानीय प्रशासनका अधिकारी र सम्बन्धित क्षेत्रका जीटीए सभासदहरुले पैह्रोग्रस्त क्षेत्रहरुको भ्रमण गरी क्षयक्षतिबारे जानकारी लिईरहेका छन भने प्रभावित परिवारहरुलाई सुरक्षित स्थानहरुतिर पुनर्वास गराउने कार्य गरिरहेका छन। कालेबुङको 37 नम्बरसमष्टीकी सभासद कल्पना तामाङले पैह्रोग्रस्त क्षेत्रहरुको परिभ्रमण गरेपछि व्यापक नोक्सान भएका जानकारी प्राप्त भएको बताएकी छन।