कालेबुङ, 27 अप्रेल।
धिरेन सङ्घर्ष अनि बलराम राईको संयुक्त गजल सङ्ग्रह ‘मनको मझेरीमा’ नामक पुस्तक कालेबुङ पत्रकार सम्मेलन भवनमा आज लोकार्पण भयो। कार्यक्रममा अतिथिहरूको रुपमा उपस्थित कथाकार सञ्जय विष्ट, कवि सुधिर छेत्री अनि गजलकार एवं समिक्षक शैलेन्द्र शमदर्शीको बाहुलीबाट पुस्तक लोकार्पण गरिएको हो। ‘मनको मझेरीमा’-पुस्तक धिरेन सङ्घर्षको तेस्रो कृति हो भने बलराम राईको यो प्रथम कृति हो। यस कार्यक्रममा गलजकार सङ्घर्ष अनि राई दुवैले आफ्नो कुराहरू राख्दै गजल बाचन गरेका थिए। ‘नेपाली साहित्य लेखन परम्परामा गजल लेखनको महत्व छुट्टै। यसले पाठकलाई प्रचुर रस प्रदान गर्नसक्छ अनि यो विधामा कलम चलाउनेहरू निक्कै कम रहेकोले नै मैले गजल लेख्ने प्रयास गरेको हुँ’-बलराम राईले भने। अर्कोतिर धिरेन सङ्घर्षले भने, गजल लेखन धेरै गाह्रो विधा हो। गजल लेख्दा धेरै नियम पालन गर्नुपर्ने भएकाले अग्रजहरूको सहल्लाहअनुसार गजलहरू नियमबद्ध रुपमा नै रचना गर्ने प्रयास गरेका छौं। पत्रकार प्रज्जवल छेत्रीले स्वागत भाषण राखेको कार्यक्रममा गजलकार सुवास श्रेष्ठले दुवै पुस्तक रचनाकारको परिचायक भाषण राख्दै पुस्तकमा समावेश गजलहरू केलाएका थिए। ‘मनको मझेरीमा’-पुस्तकमा दुवै रचनाकारले खुबै आकर्षक ढङ्गमा गजलहरू कोरेका छन् जहॉं गजलका नियमहरू पनि असल रुपमा पालन गरिएको छ’-श्रेष्ठले भने। मुख्य रुपले उपस्थित कथाकार सञ्जय विष्टले गजल विधामा यी दुवै युवाहरूले चलाएको कलमलाई सराहनीय बताए। ‘शुरुमा कोही पनि तिखारिएका हुँदैन्। तर लेखनलाई निरन्तरता दिनुपर्छ। भविष्यमा युवा दुइ युवाका गजल लेखनले धेरै पाठकहरूलाई तान्नसकोस्’-उनले भने। गजल समीक्षक शैलेन्द्र समदर्शीले गजल लेखनबारे समीक्षात्मक वक्तव्य प्रस्तुत गरेका थिए। यसरी नै कवि सुधिर छेत्रीले गजल विधा नेपालीको मौलिकता होइन भन्नु नहुने भन्दै साहित्यमा अब कुनै पनि विधा मौलिकता नरहेर ग्लोबल भइसकेको बताए। प्रदिप लोहागुण अनि अमिर बस्नेतको कविता वाचन साथै सुवास श्रेष्ठको गजल गायनले कार्यक्रमको रौनकता बढाएको थियो। पत्रकार अनिल तेलैजाले सञ्चालन गरेको कार्यक्रममा पत्रकारहरू छेवाङ योञ्जन, याम तामाङ्ग, नरेद्र तामङ्ग, ललिता प्रसाद आदिको विशेष उपस्थिति थियो।
शिक्षक प्रमुखको लापारवाहीको कारण बेहाल अवस्थामा चम्पामाया प्रथमिक पाठशाला
पहाड़को प्रथमिक पाठशालाहरु एका एक बन्द हुनुमा सरकार पक्ष दोषी छ कि शिक्षक-शिक्षिकाहरुको लापारवाही? किन दार्जीलिङ पहाड़को शैक्षिक स्तर दिनोदिन खस्किन्दै गइरहेको छ? प्रथमिक शिक्षा बाल-बालिकाहरुको निम्ति महत्तवपूर्ण हुँदा-हुँदै पनि किन आजसम्म पहाड़को शिक्षा व्यवस्थामा सुधार आउन सकिरहेको छैन?
राजनीति गर्दिनँ भन्नु पनि अर्को राजनीति होः हर्कबहादुर छेत्री
मेरो अधिकारक्षेत्रभित्र पाँच बर्षको लागि जनताको हितको काम गर् भनेर मलाई भोट हालेको हो नि। मलाई थाहा छ यसले जनताको धेरै हित हुन्छ। यसले जनताको हितसँगै पार्टीको पनि हित हुन्छ, आन्दोलनलाई पनि सहयोग पुर्याउँछ भनेपछि एकदम निसंकोच भनेर अघि बढ्न सक्छु म। म त्यही काम गर्दैछु।
बघिनी फेरि पुरानै खोरमा
‘समयले मानिसलाई कहाँ कहाँ पुर्याउँछ,,,,,,’ कुनै समय रेडियो नेपालबाट बजिरहने यो चर्चित गीतले मान्छेको जीवनमा प्रणयसम्बन्धको आरोह अवरोहले पार्ने प्रभावलाई सुन्दर ढंगले व्याख्या गरेको छ। यो लोकप्रिय गीतको यही एक हरफ कुनै राजनीतिकर्मीको जीवनसँग गाँसेर हेर्दा के उत्तर पाइएला?
साहित्य अनि सर्जकलाई माया गर्ने घिसिङ
80 को दशकमा देशभरिका गोर्खाहरूलाई जातित्वको भावना उत्पन्न गराउने प्रथम नेता सुवास घिसिङको निधनले अहिले घड़ी सम्पूर्ण दार्जीलिङ पहाड़ नै स्तब्ध बनेको छ। गोर्खाहरूका हित अनि अस्तित्वका निम्ति छुट्टै राज्यको बहस लिएर सुवास धिसिङले त्यसताक पहाड़का प्रत्येक गाँऊहरूको भ्रमण गरेका थिए। 22 जुन 1936 सालमा मिरिकको मञ्जु चियाबगानमा जन्म लिएरका सुवास घिसिङले आफ्नो तर्क राख्न एकलै जनसभा गर्थे। घिसिङले सम्पूर्ण गोर्खाहरूलाई एकै शुत्रमा बाँध्न "गोर्खाल्याण्ड" शब्दको जन्म गरेका थिए।
निराश छन् विधायक डा. छेत्री
“बजट सत्रमा के कुराहरू उठान गर्नु पर्ने भन्नेबारे हामीले जीटीएबाट कहिले फिडब्याक पाएका छैनौं” डा छेत्रीले भने। डा हर्कबहादुर छेत्री मोर्चाका प्रवक्ता हुन् अनि कालेबुङका जनप्रतिनिधि। दुइवटा महत्वपूर्ण पदमा बसेका डा छेत्रीलाई अहिलेसम्म जीटीएको बैठकमा निम्ताइएको छैन, पार्टीको राजनैतिक लाइनबारे उनीसँग चर्चा र छलफल नगरिएको त झन कति भयो, उनैलाई हेक्का छैन।
